బుడమేరులో ప‌రిస్థితి ఎలా ఉందంటే..?

బుడమేరులో వరద ఉధృతి కొనసాగుతోంది. ఉదయం నుంచి పెరిగిన నీటి ప్రవాహం మధ్యాహ్నానికి మరో రెండు అడుగులు పెరిగింది. దీంతో దాదాపు ఆరు కిలోమీటర్ల మేర రోడ్లు మునిగిపోయాయి. ఎగువ నుంచి భారీగా వస్తున్న వరద నీటితో నందివాడ మండలంలోని 12 గ్రామాలు జలదిగ్బంధంలో మునిగిపోయాయి. ముంపు గ్రామాల్లో సహాయ కార్యక్రమాల్లో ఎమ్మెల్యే వెనిగండ్ల రాము పాల్గొన్నారు. ఆహార ప్యాకెట్ల పంపిణీ చేశారు. స్వయంగా ట్రాక్టర్ తోలుతూ ముంపు గ్రామాలలో ఎమ్మెల్యే పర్యటిస్తున్నారు.