ఏపీని వీడని ముసురు.. మరో 3 రోజులు వర్షాలే

బంగాళాఖాతంలో ఉపరితల ద్రోణి ప్రభావం తగ్గింది. కానీ, ఏపీకి మరో మూడు రోజులు వర్షాలు కురుస్తాయని వాతావరణశాఖ ఆదివారం తెలిపింది. ఉత్తర కోస్తా, యానాం, రాయలసీమలో ఇవాళ, రేపు తేలికపాటి నుంచి మోస్తరు వర్షాలు కురిసే అవకాశం ఉన్నట్లు తెలిపింది. కొన్నిప్రాంతాల్లో ఉరుములతో కూడిన జల్లులు కురుస్తాయని చెప్పింది. ఎల్లుండి కూడా ఒకట్రెండు ప్రాంతాల్లో మోస్తరు వర్షాలు కురిసే అవకాశం ఉన్నట్లు పేర్కొంది.