అనపర్తి: కొంకుదురులో నాగుల చవితి పూజలు

అనపర్తి నియోజకవర్గంలోని కొంకుదురు బుడతల మామిడి శ్రీకల్యాణ వెంకటేశ్వరుని ఆలయం వద్ద నాగులచవితి సందర్భంగా మంగళవారం సాయంత్రం ప్రత్యేక పూజలు నిర్వహించారు. అర్చకులు రమణ శర్మ, లక్ష్మీనారాయణ శర్మల ఆధ్వర్యంలో సాలగ్రామ పూజ నిర్వహించారు. నాగదేవతార్చన వలన సర్వ దోషాలు తొలగిపోతాయని అర్చకులు తెలిపారు. అధిక సంఖ్యలో భక్తులు పాల్గొన్న ఈ కార్యక్రమాన్ని ఆలయ కమిటీ చైర్మన్ చిన్నం వీరభధ్రారెడ్డి పర్యవేక్షించారు.