గంజాయి తాగిన యువకుడిపై కేసు

గంజాయి తాగి ప్రజలను ఇబ్బందులకు గురిచేసిన ఓ యువకుడిపై కేసు నమోదు చేసినట్లు తుని పట్టణ సీఐ గీతా రామకృష్ణ మంగళవారం తెలిపారు. సోమవారం రాత్రి విశాఖపట్నం ఎండాడకు చెందిన సన్నీ బాబు తునిలోని స్నేహితుడిని కలిసేందుకు వచ్చి గంజాయి తాగాడు. అనంతరం ఆర్టీసీ కాంప్లెక్స్ లో బస్సు ఎక్కి ప్రయాణికుల పట్ల అసభ్యకరంగా ప్రవర్తించడంతో బస్సు నుంచి దించేశారు. దీంతో కాంప్లెక్స్ దగ్గర న్యూసెన్స్ చేయడంతో అతనిపై కేసు నమోదు చేశామని తెలిపారు.