చల్లపల్లి: ఆటోను దగ్ధం చేసిన గుర్తుతెలియని వ్యక్తి

చల్లపల్లి మండల పరిధిలోని నారాయణరావు నగర్ లో గోవాడ నాగార్జునకు చెందిన ఆటోను గుర్తుతెలియని వ్యక్తులు శనివారం తెల్లవారుజామున పెట్రోల్ పోసి దగ్ధం చేశారు. ఎప్పటిలాగానే శుక్రవారం రాత్రి ఇంటిముందు తన ఆటోను పార్కింగ్ చేసుకున్నాడు. ఎవరో కావాలనే తన ఆటోను దగ్ధం చేసారని నాగార్జున పేర్కొన్నారు. ఆటో పాక్షికంగా దగ్ధం కాగా, చల్లపల్లి పోలీస్ స్టేషన్ లో ఫిర్యాదు చేశారు.