మచిలీపట్నం: పలు క్రీడా పోటీలను ప్రారంభించిన ఎస్పీ

కృష్ణా జిల్లా మచిలీపట్నంలో నిర్వహిస్తున్న పోలీసుల వార్షిక క్రీడా పోటీల్లో భాగంగా పలు పోటీలను జిల్లా ఎస్పీ ఆర్. గంగాధర్ రావు మంగళవారం ప్రారంభించారు. ఈ సందర్బంగా ఆయన మాట్లాడుతూ, పోలీసులు విధినిర్వహణలో ఒత్తిడికి లోనవుతూ శారీరక రుగ్మతలతో ఇబ్బందులు పడకుండా క్రీడా పోటీలు నిర్వహిస్తున్నట్లు తెలిపారు. ఇటీవల కాలంలో అకస్మాత్తుగా గుండెపోటుతో ప్రాణాలు కోల్పోతున్నారని తనకు బాధ కలిగించిందని అన్నారు.