కర్నూలు: జిల్లాలో ముగిసిన దసరా సెలవులు

కర్నూలు జిల్లాలోని విద్యా సంస్థలకు ఈనెల 3వ తేదీ నుంచి ఇచ్చిన దసరా సెలవులు ముగియడంతో సోమవారం నుంచి పునఃప్రారంభం కానున్నాయని ఆదివారం డీఈవో శామ్యూల్ ఒక ప్రకటనలో తెలిపారు. పది రోజుల పాటు స్కూళ్లకు సెలవులు ఇవ్వడంతో పాటు, ఇటీవల కురిసిన వర్షాల వలన స్కూళ్లు, కాలేజీల పరిసరాల ప్రాంతాలు అపరిశుభ్రంగా ఉంటాయని తప్పనిసరిగా శుభ్రం చేయించాలని, విద్యాశాఖ అధికారులు పాఠశాల హెచ్ఎంలను ఆ ప్రకటనలో ఆదేశించారు.