పత్తికొండ: పిడుగుపాటుతో కోడెదూడ మృతి

పిడుగుపాటుకు దూడ మృతి చెందిన ఘటన తుగ్గలి మండలం బొందిమడుగులలో చోటు చేసుకుంది. బుధవారం బొందిమడుగుల గ్రామానికి చెందిన రైతు మునిస్వామి కోడెదూడలను తన పొలం వద్ద మేపుతుండగా, ఉరుములతో కొద్దిపాటి వర్షం కురిసింది. ఆ సమయంలో ఆకస్మాత్తుగా పిడుగు పడడంతో ఒక కోడెదూడ మృతి చెందింది. కోడెదూడ మృతితో రూ. 80 వేల దాకా నష్టం వాటిల్లినట్లు బాధిత రైతు వాపోయాడు.