పత్తికొండలో రోడ్ల విస్తరణ చేపట్టాలి

పత్తికొండ పట్టణంలో ప్రధాన రోడ్డును విస్తరించాలని సీపీఐ జిల్లా కార్యదర్శి గిడ్డయ్య కోరారు. బధవారం పత్తికొండలో ఆర్డీవో భరత్ నాయక్ కు వినతిపత్రం అందజేసి, మాట్లాడారు. రోజురోజుకూ ట్రాఫిక్ ఎక్కువై ప్రజలు తీవ్ర ఇబ్బందులు ఎదుర్కొంటున్నారన్నారు. డివిజన్ గా ఏర్పడిన తర్వాత ప్రభుత్వ కార్యాలయాలకు నిత్యం వేలాది మంది పట్టణానికి పనుల నిమిత్తం వస్తున్నారని, అత్యవసర సమయాల్లో తీవ్ర ఇబ్బందులు పడుతున్నారన్నారు.