నష్టాల్లో ముగిసిన స్టాక్ మార్కెట్ సూచీలు

దీపావళి రోజున కూడా దేశీయ స్టాక్ మార్కెట్‌ సూచీలు నష్టాలతోనే ముగిశాయి. సెన్సెక్స్ 553 పాయింట్లు కుంగి 79,389.06 వద్ద ముగిసింది. నిఫ్టీ 135 పాయింట్లు క్షీణించి 24,205 వద్ద స్థిరపడింది. టెక్ మహీంద్రా, హెచ్‌సీఎల్ టెక్నాలజీస్, టీసీఎస్, ఏషియన్ పెయింట్స్, ఇన్ఫోసిస్, అదానీ పోర్ట్స్, మారుతీ సుజుకీ, ఐసీఐసీఐ బ్యాంక్ షేర్లు నష్టపోయాయి. ఎల్అండ్‌టీ, ఎంఅండ్ఎం, పవర్‌గ్రిడ్, జేఎస్‌డబ్ల్యూ స్టీల్, ఎన్టీపీసీ షేర్లు లాభపడ్డాయి.