ఘోరంగా ఓడిపోవాల్సిన తప్పులైతే చేయలేదు: రోజా

మాజీ మంత్రి రోజా పుత్తూరు మున్సిపాలిటీలో బలిజ భవన నిర్మాణానికి ఎన్నికల ముందు భూమి పూజ చేశారు. ఎన్నికల అనంతరం గురువారం నూతన భవన నిర్మాణం అనంతరం పూజా కార్యక్రమంలో పాల్గొన్నారు. ఈ కార్యక్రమంలో రోజా మాట్లాడుతూ.. ‘‘మొన్న జరిగిన ఎన్నికలు ఒక సునామీ లాగా జరిగింది. ఇది ప్రజలు ఓడించిన ఎన్నికలు కాదు. మేము ఏ తప్పు చేయలేదు. ఇంత ఘోరంగా ఓడిపోవాల్సిన తప్పులైతే వైసీపీ చేయలేదు. ఏదో ఒక రోజు నిజం బయటికి వస్తుంది ఆరోజు ప్రజలు తెలుసుకుంటారు’’ అని రోజా తెలిపారు.