నేమకల్ లో ఘనంగా రాజ్యాంగ ఆవిర్భావ దినోత్సవం

చిప్పగిరి మండలంలోని నేమకల్ జిల్లాపరిషత్ ఉన్నత పాఠశాలలో ఇన్‌ఛార్జ్ ప్రధానోపాధ్యాయులు బీమలింగప్ప అధ్యక్షతన 75వ రాజ్యాంగ దినోత్సవం ఘనంగా నిర్వహించారు. అంబేద్కర్ చిత్ర పటానికి పూల మాలవేసి నివాళులు అర్పించారు. సమాజంలో అసమానతలను రూపు మాపెందుకు రాజ్యాంగాన్ని 2 సంవత్సరాల 11 నెలలు 18 రోజులు పాటు కృషి చేసి రచించారని తెలిపారు. రాజ్యాంగమే భారత దేశానికి రక్షణ కవచమని బీమలింగప్ప విద్యార్థులకు వివరించారు.