పాణ్యం: కొత్తూరు క్షేత్రంలో జరిగిన నంద్యాల కలెక్టర్ పూజలు

పాణ్యం మండలం కొత్తూరులో వెలసిన శ్రీవల్లిదేవసేన సమేత శ్రీసుబ్రహ్మణ్యేశ్వర స్వామి వారిని ఆదివారం నంద్యాల జిల్లా కలెక్టర్ రాజకుమారి దంపతులు దర్శించుకున్నారు. ఆలయ కమిటీ సభ్యులు, పురోహితులు వారికి ఆలయ మర్యాదలతో స్వాగతం పలికి దర్శన ఏర్పాట్లు చేశారు. స్వామివారికి కలెక్టర్ ప్రత్యేక పూజలు నిర్వహించారు. ఆలయ ఈవో రామక్రిష్ణ, ప్రధానార్చకులు నారాయణ స్వామి, అర్చకులు తీర్థప్రసాదాలు అందజేశారు.