నెల్లూరులో ఘనంగా అయ్యప్ప స్వామి మహా పడిపూజ కార్యక్రమం

నెల్లూరు నగరంలోని స్టోన్ హౌస్ పేట లక్ష్మీపురంలో ఆదివారం రాత్రి అయ్యప్ప మహపడిపూజ మహోత్సవం ఘనంగా నిర్వహించారు. ఈ కార్యక్రమానికి ముఖ్య అతిథిగా రాష్ట్ర పురపాలక శాఖ మంత్రి డాక్టర్ పొంగూరు నారాయణ పాల్గొన్నారు. ఈ సందర్భంగా మహాపడి పూజ మహోత్సవం అంగరంగ వైభవంగా నిర్వహించారు. స్వామియే శరణం అయ్యప్ప.. శరణంశరణం అయ్యప్ప.. స్వామి శరణం అయ్యప్ప అంటూ అయ్యప్ప స్వామి నామస్మరణతో ఆ ప్రాంతం మార్మోగింది.