కొత్తపల్లిలో పారిశుద్ధ్య పనులు

దొరవారిసత్రం మండలం పరిధిలోని కొత్తపల్లి పంచాయతీ లో సచివాలయ సిబ్బంది ఆధ్వర్యంలో పారిశుద్ధ్య పనులు చేపట్టారు. వీధుల్లోని చెత్త మరియు పేడ దిబ్బలను తొలగించారు. తాగునీటి బావులు, బోర్లు, నీటి ట్యాంకుల్లో క్లోరినేషన్ చేపట్టారు. పంచాయతీ పరిధిలోని అన్ని వీధుల్లో పారిశుద్ధ్య సిబ్బంది తిరుగుతూ చెత్తాచెదారం, సైడ్ కాలవలలోని మురుగును తొలగించారు. మురుగు నీరు అధికంగా ఉన్న ప్రాంతాలలో క్లోరినేషన్ చేపట్టారు. పంచాయతీ కార్యదర్శి షేక్ ఖాదర్ భాష, సచివాలయం సిబ్బంది, గ్రామ వాలంటీర్లు పాల్గొన్నారు.