విధుల నుండి సస్పెండైన ఎల్.కోట పిఎస్ అసిస్టెంట్ రైటర్
ఎల్ కోట పిఎస్ లో అసిస్టెంట్ రైటర్ గా పనిచేస్తున్న కానిస్టేబుల్ జి సత్యనారాయణ ను విధుల నుండి సస్పెండ్ చేశామని విశాఖ రేంజ్ డిఐజి గోపీనాథ్ శెట్టి సోమవారం తెలిపారు. అక్టోబర్ 27న భీమాలిలో జరిగిన కోడిపందాల నిర్వహణలో పోలీసులకు పట్టుబడిన వారిని విడిపించేందుకు డబ్బులు డిమాండ్ చేశాడని ప్రాథమిక విచారణలో తేలినట్లు ఆయన తెలిపారు. ఈ ఘటనలో విచారణ కొనసాగుతోందని, నిరూపణైన వారిపై శాఖాపరమైన చర్యలు తప్పవని హెచ్చరించారు.
