ద్విచక్ర వాహనం బోల్తా: ఇద్దరు వ్యక్తులకు గాయాలు

నందిగాం మండలం తామరపల్లి గ్రామ సమీపంలో మంగళవారం ఓ ద్విచక్ర వాహనం అదుపుతప్పి బోల్తా పడింది. ఈ ప్రమాదంలో ఇద్దరు వ్యక్తులు గాయాల పాలయ్యారు. సమాచారం అందిన వెంటనే నేషనల్ హైవే సిబ్బంది, పోలీసులు ఘటనా స్థలానికి చేరుకుని గాయపడిన వ్యక్తులను చికిత్స నిమిత్తం టెక్కలి ప్రభుత్వ జిల్లా ఆసుపత్రికి తరలించారు. కాగా ప్రమాదానికి అతివేగమే కారణమని పోలీసులు తెలిపారు.