ఏపీ, ఒడిశా మధ్య నిలిచిపోయిన రాకపోకలు

ఎడతెరిపి లేకుండా కురుస్తున్న వర్షాలకు ఆంధ్రప్రదేశ్‌లోని పలు వాగులు, వంకలు పొంగి పొర్లుతున్నాయి. గోదావరి ఉపనది శబరికి వరదనీరు పోటెత్తుతోంది. భారీ వరద ప్రవాహంతో అల్లూరి సీతారామరాజు జిల్లాలోని చింతూరు- కల్లేరు గ్రామాల మధ్య గండిపడి 316వ నెంబరు జాతీయ రహదారి కోతకుగురైంది. దీంతో ఆ మార్గంలో ఆంధ్రప్రదేశ్‌- ఒడిశా రాష్ట్రాల మధ్య రాకపోకలు నిలిచిపోయాయి. దీంతో ఇరువైపులా వాహనాలు ఎక్కడికక్కడ ఆగిపోయాయి.