కారు ఢీకొని వ్యక్తి మృతి

పెళ్లకూరు మండలం చమ్మడిపాలెం హైవే వద్ద శనివారం సాయంత్రం రోడ్డు ప్రమాదం జరిగింది. నాయుడుపేట నుండి తిరుపతి వెళ్తున్న కారు రోడ్డు దాటుతున్న వ్యక్తిని ఢీకొట్టింది. ఈ ప్రమాదంలో అలీష్ అనే వ్యక్తి అక్కడికక్కడే మృతి చెందాడు. మృతుడిది నెల్లూరు లోని భగతసింగ్ కాలనీ. మృతదేహాన్ని పోస్టు మార్టం నిమిత్తం నాయుడుపేట ప్రభుత్వ వైద్యశాల కు తరలించారు. పెళ్లకూరు ఎస్సై శ్రీకాంత్ కేసు నమోదు చేసి దర్యాప్తు చేస్తున్నారు.