విషాదం.. ఒకే రోజు నలుగురు చిన్నారులు మృతి

ఏపీలోని కర్నూలు జిల్లాలో శనివారం విషాదం చోటు చేసుకుంది. వేర్వేరు ఘటనల్లో నిన్న నలుగురు చిన్నారులు మృతి చెందారు. నందవరం మండలంలోని కే.నాగలాపురంలో హరికృష్ణ, మహేశ్ అనే అన్నదమ్ములు పొరపాటున పురుగుల మందు తాగారు. ఈ ఘటనలో మహేశ్ మృతి చెందాడు. ఇదే మండలంలోని మాచారంలో నీటి గుంతలో పడి అన్నదమ్ములు బైరి ఉదయ్ (6), అనుమేశ్ (5) మరణించారు. ఎమ్మిగనూరు మండలం పొర్లపల్లిలో వంకలో పడి సంపత్ (12) మృతి చెందాడు.