శృంగవరపుకోట: 108లో ప్రసవం చేసిన సిబ్బంది

అనంతగిరి మండలం కొత్తూరుకు చెందిన వంతెల వనజ (32) అనే గర్భిణీకు ఆదివారం పురిటి నొప్పులు రావడంతో 108 కు సమాచారం అందించారు. తక్షణమే వెళ్లిన 108 సిబ్బంది ఆమెను ఎస్. కోట పిహెచ్సీకి తరలించే క్రమంలో కాశీపట్నం సమీపంలో పురిటి నొప్పులు అధికమవడంతో ఈ ఎన్ టి మౌనిక పైలెట్ మూర్తి సహకారంతో 108 లో సుఖ ప్రసవం చేసి తల్లి బిడ్డలను ఎస్. కోట పీహెచ్సీ కి తరలించారు. ఆడబిడ్డకు జన్మనిచ్చిన వనజ 108 సిబ్బందికి కృతజ్ఞతలు తెలిపింది.