గ్రంథాలయంలో బుక్ రీడింగ్

నర్సీపట్నం శాఖ గ్రంథాలయంలో ఏర్పాటు చేసిన చిల్డ్రన్ క్లబ్ లో ఆదివారం బుక్ రీడింగ్ కార్యక్రమాన్ని నిర్వహించారు. దీనిలో భాగంగా విద్యార్థులతో విజ్ఞానాన్ని అందించే పుస్తకాలను చదివించారు. అనంతరం మహానీయుల జీవిత చర్చలపై అవగాహన కల్పించారు. ఈ సందర్భంగా స్థానిక శాఖ గ్రంథాలయ అధికారి రాజబాబు నారికేళ మాట్లాడుతూ విద్యార్థులకు విజ్ఞానాన్ని అందించేందుకు ప్రత్యేకంగా గ్రంథాలయంలో చిల్డ్రన్ క్లబ్ ఏర్పాటు చేసి ప్రతీ ఆదివారం పలు కార్యక్రమాలు నిర్వహిస్తున్నామన్నారు. ఈ కార్యక్రమాన్ని విద్యార్థులు సద్వినియోగం చేసుకోవాలని ఆయన విజ్ఞప్తి చేశారు.