జగన్ బెయిల్ రద్దు అవుతుందా?

వైఎస్ ఫ్యామిలీ ఆస్తుల వివాదంపై వైసీపీ ఎంపీ విజయసాయిరెడ్డి ఆదివారం స్పందించారు. వైఎస్ షర్మిల చేసిన వ్యాఖ్యలపై విజయసాయిరెడ్డి కౌంటర్ వేశారు. షర్మిల కన్నీళ్లకు విలువ లేదని, ప్రజలు ఆమెను నమ్మే పరిస్థితిలో లేరన్నారు. జగన్‌పై కుట్ర చేస్తున్నారని, ప్రస్తుత పరిస్థితులను చూస్తే జగన్ బెయిల్ రద్దు చేసేందుకు ప్రత్యర్థులంతా ప్రయత్నిస్తున్నట్లు ఉందని తెలిపారు. విజయసాయిరెడ్డి చేసిన వ్యాఖ్యలతో వైసీపీ నేతల్లో కలవరం మొదలైంది. జగన్ బెయిల్ రద్దు అవుతుందా? అని ఆందోళన చెందుతున్నారు.