దుబాయ్ పొరుగున ఉన్న ఒమన్లోనూ భారీగా వర్షాలు కురుస్తున్నాయి. మూడ్రోజులుగా కురుస్తున్న భారీ వర్షాలకు 18 మంది ప్రాణాలు కోల్పోయారు. పలువురు గల్లంతైనట్లు అధికారులు తెలిపారు. ఆదివారం రాత్రి నుంచి బుధవారం మధ్య ఒక్క ఒమన్లోనే 230 మిల్లీమీటర్ల వర్షపాతం రికార్డయిందని నేషనల్ డిజాస్టర్ మేనేజ్మెంట్ అధికారులు తెలిపారు. రెండేళ్లల్లో పడాల్సిన వర్షం ఈ మూడ్రోజుల్లోనే కురిసిందని వెల్లడించారు.