19 ఏళ్లకే దారిదోపిడీలు

రోడ్డుపై వెళ్తున్న ప్రజలను అడ్డగించి వారి సెల్‌ఫోన్‌లు చోరీ చేసి ఉఢాయిస్తున్న దారిదోపిడీ ముఠా సభ్యులను హైదరాబాద్‌ నార్త్‌జోన్‌ టాస్క్‌ఫోర్స్‌ పోలీసులు అరెస్టు చేశారు. ముఠాలో 9 మంది ఉన్నారు. నలుగురు మైనర్లు, ఐదుగురు 19 ఏళ్ల వయస్సుగల వారు ఉన్నారు. మైనర్లను జువెనైల్‌ హోమ్‌ కు తరలించిన పోలీసులు మిగిలిన వారిని కటకటాల్లోకి నెట్టారు. వారి వద్ద నుంచి మూడు ఫోన్‌లు, రెండు బైక్‌లు స్వాధీనం చేసుకున్నారు.