కూలీకి దొరికిన రూ.80 లక్షల వజ్రం

మధ్యప్రదేశ్‌లోని పన్నా జిల్లాలో రాజు గౌడ్‌ అనే కూలీకి అదృష్టం వరించింది. జీవనోపాధి కోసం గనులను కౌలుకు తీసుకునే రాజు ప్రతి రోజూ మాదిరిగానే బుధవారం కూడా మట్టిని తవ్వుతున్నారు. ఆ సమయంలో ఆయనకు 19.22 క్యారట్ల వజ్రం కనిపించింది. వెంటనే దానిని ప్రభుత్వ అధికారులకు అప్పగించారు. ప్రభుత్వ వేలంలో దీని ధర రూ.80 లక్షలకుపైగా రావొచ్చని అధికారులు పేర్కొన్నారు. ఈ వజ్రాన్ని అమ్మగా వచ్చే సొమ్ముతో తన పిల్లలను చదివిస్తానని రాజు చెప్పారు.