నటి రేఖా నాయర్‌ కారు ఢీకొని ఒకరు మృతి

తమిళ నటి రేఖా నాయర్ కారు ఢీకొని ఓ వ్యక్తి చనిపోయారు. చెన్నైలోని సైతప్పెట్టై ప్రాంతంలో మంగళవారం ఈ ప్రమాదం జరిగింది. మద్యం మత్తులో 55 ఏళ్ల మంజన్ అనే వ్యక్తి రోడ్డు పక్కనే పడుకున్నాడు. ఆయనను రేఖానాయర్ కారు ఢీకొట్టింది. ఆసుపత్రిలో మంజన్ చనిపోయాడు. కారు డ్రైవర్ పాండిని పోలీసులు అదుపులోకి తీసుకుని విచారిస్తున్నారు. ప్రమాద సమయంలో కారు ఎవరు నడిపారనే కోణంలో పోలీసులు దర్యాప్తు చేస్తున్నారు.