హాజీపూర్‌ మండలంలో పులి సంచారం

మంచిర్యాల జిల్లా హాజీపూర్‌ మండలంలో పులి సంచారం కలకలం రేపుతోంది. పూర్తి వివరాల్లోకి వెళ్తే.. మండలంలోని బుగ్గగట్టులో గొర్రెల మందపై పెద్దపులి దాడికి పాల్పడింది. సమీప గ్రామాల ప్రజలు తీవ్ర భయాందోళన గురవుతున్నారు. గొర్రెల మందపై పులి దాడి చేసిన సమాచారంతో అటవీ అధికారులు ఘటనా స్థలానికి చేరుకున్నారు. పాదముద్రల ఆధారంగా పెద్దపులిగా అధికారులు గుర్తించారు. ప్రజలు అప్రమత్తంగా ఉండాలని హెచ్చరించారు.