పేదలకు ఉచిత కరెంట్ ఇచ్చినందుకా నా మీద కోపం: సీఎం (వీడియో)

తనపై వ్యతిరేకత, కోపం ఉందని చాలా మంది అంటున్నారని సీఎం రేవంత్ రెడ్డి అన్నారు. హైదరాబాద్‌లోని రవీంద్రభారతిలో కొలువుల పండుగ కార్యక్రమాన్ని తెలంగాణ ప్రభుత్వం నిర్వహించింది. ఈ సందర్భంగా ఆయన మాట్లాడుతూ.. 10 నెలల్లో రైతులకు రుణమాఫీ, మహిళలకు ఉచిత బస్సు, 1000 మెగావాట్ల సోలార్ కాంట్రాక్ట్‌తో ఆడబిడ్డల సాధికారత, పేదలకు ఉచిత కరెంట్ ఇచ్చినందుకా? అని ప్రశ్నించారు. తన పాలనలో ప్రజల బాగోగులే లక్ష్యమని స్పష్టం చేశారు.