పంజాబ్‌లో 14 వరకు స్కూళ్లు మూసివేత

రాష్ట్రంలో తీవ్రమైన చలి ఉన్న నేపథ్యంలో పంజాబ్ ప్రభుత్వం ఆదివారం కీలక నిర్ణయం తీసుకుంది. జనవరి 14 వరకు పాఠశాలలు మూసివేయాలని ఆదేశాలు ఇచ్చింది. పాఠశాలలకు వెళ్లే విద్యార్థుల ఆరోగ్యాన్ని దృష్టిలో పెట్టుకుని ఈ నిర్ణయం తీసుకున్నట్లు సీఎం భగవంత్ మాన్ తెలిపారు. ప్రభుత్వ, ప్రైవేటు పాఠశాలలు ఈ ఆదేశాలు విధిగా పాటించాలన్నారు. ప్రస్తుతం పంజాబ్‌లో చలి తీవ్రత అధికంగా ఉంది. ఉదయం 9 గంటల వరకు దట్టమైన పొగమంచు ఉంటోంది.