ఏపీ డీజీపీగా బాధ్యతలు చేపట్టిన ద్వారకా తిరుమలరావు

ఆంధ్రప్రదేశ్‌ రాష్ట్ర నూతన డీజీపీగా సీహెచ్ ద్వారకా తిరుమలరావు శుక్రవారం బాధ్యతలు చేపట్టారు. మంగళగిరిలోని రాష్ట్ర పోలీసు ప్రధాన కార్యాలయంలో ఆయన పదవీ బాధ్యతలు చేపట్టిన అనంతరం పోలీసుల గౌరవందనం స్వీకరించారు. 1989 బ్యాచ్‌ ఐపీఎస్‌ అధికారైన ద్వారకా తిరుమలరావు ప్రస్తుతం రాష్ట్ర క్యాడర్‌ ఐపీఎస్‌ అధికారుల సీనియారిటీ జాబితాలో అగ్రస్థానంలో ఉన్నారు. 2021 జూన్‌ నుంచి ఇప్పటి వరకు ఆర్టీసీ ఎండీగా పనిచేశారు.