గనిలో పేలుడు.. నలుగురు మృతి

యూపీలోని మహోబా జిల్లాలో మంగళవారం షాకింగ్ ఘటన జరిగింది. కబ్రాయ్ పోలీస్ స్టేషన్ పరిధిలోని పహారా గ్రామ సమీపంలోని గనిలో అక్రమ మైనింగ్ చేపడుతున్నారు. అక్కడ పేలుడు జరిగి నలుగురు చనిపోయారు. మరో 8 మంది కార్మికులు సజీవ సమాధి అయినట్లు తెలుస్తోంది. అయితే దీనిపై స్పష్టత లేదు. గ్రామస్థులు పెద్ద ఎత్తున అక్కడకు చేరుకున్నారు. మృతదేహాలను పోలీసులు పోస్టుమార్టం నిమిత్తం తరలించారు. సహాయక చర్యలు కొనసాగుతున్నాయి.