ఆగస్టు 15 వరకు అక్కడ చేపల వేటపై నిషేధం

గుజరాత్ ప్రభుత్వం కీలక నిర్ణయం తీసుకుంది. అరేబియా సముద్రంలో చేపల వేటపై నిషేధాన్ని ఆగస్టు 15 వరకు పొడిగించింది. చేపల పెంపకానికి ఎక్కువ టైం ఇవ్వాలని మత్స్యకారుల సంఘం చేసిన విన్నపాన్ని పరిగణనలోకి తీసుకున్న అనంతరం.. కేంద్రంతో చర్చించి ఈ నిర్ణయం తీసుకున్నట్టు ప్రభుత్వం ఆదివారం తెలిపింది. కాగా, రాష్ట్రంలో వార్షిక చేపల వేట నిషేధం ఏటా జూన్ 1 నుంచి జులై 31 వరకు అమల్లో ఉంటుంది.