ఏపీ ప్రభుత్వం కీలక నిర్ణయం.. సంక్రాంతికి కేరళ తరహాలో పడవల పోటీలు

ఏపీ ప్రభుత్వం కీలక నిర్ణయం తీసుకుంది. కేరళ తరహాలో అంబేద్కర్ కోనసీమ జిల్లా ఆత్రేయపురంలో సర్‌ ఆర్థర్‌ కాటన్‌ గోదావరి ట్రోఫీ పేరుతో పడవ, ఈత పోటీలు ఈ నెల 11, 12, 13 తేదీల్లో నిర్వహించనున్నారు. ఉమ్మడి ఉభయ గోదావరితో పాటు అనంతపురం, విశాఖ, కృష్ణా తదితర జిల్లాలకు చెందిన జట్లు ఈ పోటీల్లో పాల్గొననున్నాయి. వీటితో పాటే మహిళలకు రంగవల్లులు, గాలిపటాల పోటీలు నిర్వహించనున్నారు. మొదటి మూడు స్థానాల్లో నిలిచిన వారికి బహుమతులు ఇవ్వనున్నారు.