జైలు నుంచి విడుదలైన హెచ్‌డీ రేవణ్ణ

లైంగిక వేధింపుల కేసులో అరెస్టయిన మాజీ మంత్రి హెచ్‌డీ రేవణ్ణ ఇవాళ పరప్ప అగ్రహార జైలు నుంచి విడుదలయ్యారు. బెంగళూరులోని ప్రజాప్రతినిధుల ప్రత్యేక కోర్టు నిన్న ఈ కేసును విచారించగా, షరతులతో కూడిన బెయిల్ మంజూరు చేసింది. 10 రోజుల పాటు జైలులో ఉన్న ఆయన ఈరోజు షరతులతో కూడిన బెయిల్‌పై విడుదలయ్యారు. రేవణ్ణ విడుదల నేపథ్యంలో భారీ సంఖ్యలో జేడీఎస్ కార్యకర్తలు తరలివచ్చారు. పోలీసులు లాఠీచార్జి చేసి చెదరగొట్టారు.