తెలంగాణలో మరో రెండు రోజుల పాటు వర్షాలు

ఉపరితల ద్రోణి ప్రభావం కారణంగా రాష్ట్రంలో వర్షాలు కురుస్తున్నాయని వాతావరణశాఖ అధికారిణి నాగరత్నం తెలిపారు. నిన్న కొన్ని ప్రాంతాలలో ఉరుములు, పిడుగులతో కూడిన వర్షాలు పడ్డాయన్నారు. సిద్ధిపేట్, రంగారెడ్డి, హైదరాబాద్ ప్రాంతాల్లో భారీ వర్షాలు కురిశాయని, నేడు కూడా వర్షాలు పడే అవకాశం ఉందని చెప్పారు. తెలంగాణ రాష్ట్రంలో మరో రెండు రోజుల పాటు వర్షాలు కురుస్తాయని, దీంతో చలిగాలుల తీవ్రత కూడా అధికంగా ఉంటుందని తెలిపారు. ముఖ్యంగా ఈ నెల 5 నుంచి చలి గాలుల తీవ్రత మరింత పెరిగే అవకాశం ఉందని నాగరత్నం వెల్లడించారు.