‘నా అప్‌కమింగ్‌ ప్రాజెక్ట్‌లో జాన్వీ ఉందనేది కేవలం రూమర్‌’: హీరో నాని

తన తర్వాతి సినిమాలో జాన్వీ కపూర్‌ నటించనుందన్న ప్రచారంపై నేచురల్ స్టార్ నాని స్పందించారు. తన అప్‌కమింగ్‌ ప్రాజెక్ట్‌లో జాన్వీ ఉందనేది కేవలం రూమర్‌ మాత్రమేనని కొట్టిపడేశారు. ‘బహుశా ఆమెను తీసుకోవడం కోసం చర్చలు జరుగుతూ ఉండొచ్చు. ఆ సినిమాకు సంబంధించిన స్క్రిప్ట్‌ వర్క్‌ అవుతోంది. నేను కొన్ని రోజులుగా వరుస షూటింగ్‌లతో బిజీగా గడుపుతున్నాను. అందుకే ఆ ప్రాజెక్ట్‌ గురించి వివరాలు తెలుసుకోలేకపోతున్నా’ అని తెలిపారు.