ఎలుగుబంటి హల్ చల్
మానకొండూర్ పట్టణంలో మంగళవారం ఉదయం ఎలుగుబంటి హల్చల్ చేసింది. చెరువు కట్ట వద్ద ఓ ఇంటి అవరణలో ఉన్న చెట్టుపై ఎలుగుబంటి కూర్చొని ఉండటాన్ని గమనించిన స్థానికులు.. పోలీసులు, అటవీ శాఖ సిబ్బందికి సమాచారం అందించారు. ఘటనా స్థలానికి చేరుకున్న అధికారులు స్థానికులను ఇంట్లోనుంచి బయటకు రాకుండా ఉండాలని కోరారు. స్థానికులు భయాందోళనలతో ఇళ్లకే పరిమితమయ్యారు.