వ్యక్తి అదృశ్యంపై కేసు

అశ్వారావుపేట మండలంలోని అనంతారం గ్రామానికి చెందిన ఇస్లావత్ నరేష్, తన భార్యతో మనస్పర్థల కారణంగా ఇదే గ్రామంలోని తల్లిదండ్రుల వద్ద ఉంటున్నాడు. కాగా శనివారం రాత్రి తన ఇంట్లో నిద్రించేందుకు వెళ్లి ఆదివారం ఉదయం నుంచి అదృశ్యమయ్యాడు. దీంతో నరేష్ తండ్రి వెంకటేశ్వరరావు ఆదివారం లిఖిత పూర్వకంగా ఫిర్యాదు చేయగా, కేసు నమోదు చేసి దర్యాప్తు చేస్తున్నట్లు ఎస్సై శివరామకృష్ణ తెలిపారు.