కల్వకుర్తి: గౌడ కులస్తుల కులవృత్తిని కాల రాస్తున్న భూ కబ్జాదారులు

కల్వకుర్తి మండలం తర్నికల్ గ్రామంలో కొంతమంది పెత్తందారులు భూములను కబ్జా చేసి సర్వేనెంబర్ 348, 349లో గల 230 ఈత చెట్లు, 60 తాటి చెట్లు ఉండగా వాటిని పూర్తిగా తొలగించారు. దీంతో కల్లు గీత కార్మికులు దిక్కుతోచని స్థితిలోకి వెళ్లిపోయారు. ఈ సందర్భంగా సోమవారం గ్రామస్తులు, గీత కార్మికులతో కలిసి ఆప్కారి ఎస్సై కి గౌడ సంఘం నాయకులు కలిసి ఫిర్యాదు చేశారు. గ్రామ చెట్లను తొలగించిన వారిపై కఠిన చర్యలు తీసుకోవాల్సిందిగా కోరారు.