నియమాలు ఉల్లంఘిస్తే కఠిన చర్యలు

నియమాలు ఉల్లంఘిస్తే కఠిన చర్యలు తీసుకుంటామని ఇంద్రవెల్లి మండల పోలీసులు హెచ్చరించారు. శనివారం సాయంత్రం ఇంద్రవెల్లి మండల కేంద్రంలోని ప్రధాన రహదారిపై వారు ప్రజలకు, వాహనదారులకు రోడ్డు నియమాలపై అవగాహన కల్పించారు. ఈ సందర్భంగా వారు మాట్లాడుతూ వాహనదారులు వారి వాహనాలను పరిమిత వేగంతోనే నడపాలన్నారు. ప్రతి వాహనదారుడు తప్పనిసరిగా డ్రైవింగ్ లైసెన్స్, ఆర్సి, ఇన్సూరెన్స్ కాగితాలను వెంట ఉంచుకోవాలని సూచించారు.