భైంసా: రేపు సీసీఐ పత్తి కొనుగోళ్లు బంద్

భైంసా మార్కెట్ లో బుధవారం సీసీఐ పత్తి కొనుగోళ్లు నిలిపివేస్తున్నట్లు వ్యవసాయ మార్కెట్ కమిటీ అధికారులు మంగళవారం ఒక ప్రకటనలో తెలిపారు. క్రిస్మస్ పండగ సందర్భంగా వ్యవసాయ మార్కెట్ కార్యాలయానికి సెలవు దినం కావడంతో తాత్కాలికంగా పత్తి కొనుగోళ్లు నిలిపివేస్తున్నట్లు వెల్లడించారు. గురువారం కొనుగోళ్లు యధావిధిగా జరుగుతాయని విషయాన్ని రైతులు గమనించి సహకరించాలని కోరారు.