పాక్‌ వైమానిక దాడులు.. అఫ్గాన్‌లో 15 మంది మృతి

అఫ్గానిస్థాన్‌పై పాకిస్థాన్‌ చేసిన వైమానిక దాడుల్లో మహిళలు, చిన్నారులతో సహా 15 మంది మృతి చెందారు. బార్మల్‌ జిల్లాలో పక్తికా ప్రావిన్స్‌లోని ఏడు గ్రామాలు లక్ష్యంగా దాడులు జరిగాయి. ఈ దాడులకు పాకిస్థాన్ యుద్ధ విమానాలే కారణమని స్థానికులు ఆరోపించారు. ఈ దాడుల్లో ఇప్పటివరకు 15 మంది ప్రాణాలు కోల్పోగా.. మృతుల సంఖ్య మరింత పెరిగే అవకాశముందని అధికారులు తెలిపారు. వజీరిస్థానీ శరణార్థులే ఎక్కువగా మరణించినట్లు వెల్లడించారు.