ఎన్టీఆర్‌ని కొనియాడిన ప్రధాని మోదీ

దివంగత మాజీ ముఖ్యమంత్రి ఎన్టీఆర్‌ 101వ జయంతి సందర్భంగా ప్రధాని నరేంద్ర మోదీ ఎక్స్‌ (ట్విట్టర్) వేదికగా ఆయన్ను స్మరించుకున్నారు. ఎన్టీఆర్ ఎంతో దార్శనికత గల నాయకుడని మోదీ పేర్కొన్నారు. ‘‘ఎన్టీఆర్ జయంతి సందర్బంగా ఆ మహనీయుణ్ణి స్మరించుకుంటున్నాం. తెలుగు సినీ రంగంలో విశిష్ట నటుడైన ఆయన.. ఎంతో దార్శనికత గల నాయకుడు. సినీ, రాజకీయ రంగాలకు ఎన్టీఆర్‌ చేసిన సేవలు తరతరాలకు స్ఫూర్తినిస్తూనే ఉంటాయి’’ అని మోదీ పేర్కొన్నారు.