దేశీయ మార్కెట్లోకి పోర్షే సరికొత్త కారు.. ధర 1.69 కోట్లు

స్పోర్ట్స్‌ లగ్జరీ కార్ల తయారీ సంస్థ పోర్షే.. దేశీయ మార్కెట్‌లో మరో మోడల్‌ను విడుదల చేసింది. థర్డ్‌ జనరేషన్‌ పనమెరా మోడల్‌ను అందుబాటులోకి తీసుకొచ్చింది. ఈ కారు ధర రూ.1,69,62,000(కోల్‌కతా షోరూంలో ధర). జర్మనీ నుంచి దిగుమతి చేసుకొని భారత్‌లో విక్రయిస్తుండటంతో ధర అధికంగా ఉన్నదని పోర్షే ఇండియా బ్రాండ్‌ డైరెక్టర్‌ మనోలిటో వ్యూజిసిస్‌ తెలిపారు. దిగుమతి సుంకాలు పెరగటంతో ఈ భారం కొనుగోలుదారులపై మోపాల్సి వస్తున్నదన్నారు.