విజయవాడను ముంచెత్తిన వరద.. షట్టర్లు ఎత్తడమే కొంపముంచింది

విజయవాడలో భారీ వరదకు వెలగలేరు షట్టర్లు ఎత్తడమే కారణంగా తెలుస్తోంది. ఇబ్రహీంపట్నం మండలం ఈలప్రోలు వద్ద బుడమేరుకు గండి పడింది. వెలగలేరు వద్ద 11 షట్టర్లను 11 అడుగులు ఎత్తి దిగువకు నీరు వదలడంతో ఆ ప్రభావం విజయవాడ నగరంపై పడింది. వెలగలేరు వద్ద షట్టర్లను ఎత్తకపోతే ఎగువ ప్రాంతాలకు తీవ్ర నష్టం వాటిల్లుతుంది. కృష్ణా వరద వెనక్కుతన్ని ఎన్టీటీపీఎస్‌ ప్లాంట్‌లోకి నీరు చేరే ప్రమాదం ఉంది. దీంతో వెలగలేరు షట్టర్లను శనివారం రాత్రికి రాత్రి ఎత్తారు.