లిబియా ప్రధాని నివాసంపై రాకెట్‌ దాడి

లిబియా ప్రధాని అబ్దుల్ హబీబ్ నివాసంపై ఆదివారం రాకెట్ గ్రనేడ్ దాడి జరిగింది. అదృష్టవశాత్తూ ఎవరికీ ఎలాంటి హాని జరగలేదు. అయితే భవనంలో కొంత భాగం ధ్వంసమైంది. ఈ దాడి తర్వాత ఆ ప్రాంతంలో భారీగా భద్రతా బలగాలను మోహరించారు. ఆ దేశంలో రాజకీయ అస్థిరత కొనసాగుతోంది. ఎన్నికలు జరిగేంత వరకు తాను తప్పుకోనని ప్రధాని అబ్దుల్ హబీబ్ తేల్చి చెప్పారు. దీంతో ఆయన ప్రత్యర్థులు ఈ దాడికి పాల్పడినట్లు తెలుస్తోంది.