వీధి కుక్కల దాడి.. ఎనిమిదేళ్ళ బాలుడికి తీవ్రగాయాలు

ఓదెల మండలం పోత్కపల్లి గ్రామంలో సాయంకాలం సమయంలో రోడ్డుపై ఆడుకుంటున్న బాలుడిపై శుక్రవారం 6కుక్కలు ముకుమ్మడిగా దాడి చేశాయి. తీవ్రంగా గాయపడిన సిలివేరి సాయికుమార్ (08)ని దారి మార్గాన వెళ్తున్న వారు చూసి కుక్కలను తరిమారు. అనంతరం బాలుడిని మెరుగైన చికిత్స కోసం కరీంనగర్ ఆసుపత్రికి తరలించారు. ఇప్పటికైనా గ్రామ అధికారులు స్పందించి ఇలాంటి సంఘటనలు పునరవృతం కాకుండా చర్యలు తీసుకోవాలని కోరుతున్నారు.