సూర్యాపేట: కారును ఢీ కొట్టిన లారీ... నర్సు మృతి

సూర్యాపేట జిల్లా తిరుమల నగర్ కు చెందిన పగిడిమర్రి అన్నారాణి (57) ఇమాంపేట గ్రామ శివారులోని సోషల్ వెల్ఫేర్ బాలికల రెసిడెన్షియల్ కాలేజీలో స్టాఫ్ నర్స్ గా పని చేస్తుంది. ఎప్పటిలాగానే ఆదివారం తన కారులో విధులకు వెళ్తుండగా చివ్వేంల మండలం కాసిపేట గ్రామ శివారులో హైదరాబాద్ నుండి విజయవాడ వైపు వెళ్తున్న లారీ వెనుక నుండి ఢీ కొట్టడంతో ఆమె తలకు తీవ్ర గాయం కావడంతో ఆసుపత్రికి తరలించగా చికిత్స పొందుతూ మృతి చెందినది.