TG: 'సారూ.. మా పొట్టకొట్టొద్దు'.. వెక్కి వెక్కి ఏడ్చిన బాధితుడు

సూర్యాపేట జిల్లా హుజుర్ నగర్ పట్టణంలో అధికారులు పలు దుకాణాలను కూల్చివేశారు. ప్రభుత్వ స్థలాల్లో నిర్మించిన పలు నిర్మాణాలను తొలగిస్తున్నారు. అయితే వాటిని తొలించవద్దంటూ వాహనాలకు అడ్డంగా కూర్చొని స్థానికులు నిరసన వ్యక్తం చేశారు. 'పొట్టకూటి కోసమే కదా సారూ ఇక్కడికి వచ్చింది' అంటూ ఓ వ్యక్తి వెక్కివెక్కి ఏడ్చాడు. కూల్చివేస్తున్న వాహనానికి అడ్డంగా పడుకొని తమ ఇళ్లను కూల్చొద్దంటూ ప్రాధేయపడ్డాడు.